Fidelia Fielding

Fidelia Fielding

Biografía
Nacemento	15 de setembro de 1827 Montville, Estados Unidos de América
Morte	18 de xullo de 1908 (80 anos) Montville, Estados Unidos de América
Grupo étnico	Pobo mohegan
Premios
(1994)  Salón da Fama das Mulleres de Connecticut

Fidelia Ann Hoscott Fielding, nada co apelido Smith o 15 de setembro de 1827 e finada o 18 de xullo de 1908, tamén coñecida como Dji'ts Bud dnaca ("Paxaro Voador"), filla de Bartholomew Valentine Smith (c. 1811 – 1843) e Sarah A. Wyyougs (1804–1868), e neta de Martha Shantup Uncas (1761–1859),^[1] foi a derradeira falante coñecida da lingua mohegan-pequot.

Casou cun mariñeiro mohegan, William H. Fielding (nado en 1822 e finado en 1889). Vivían nunha das últimas "casas da tribo", unha cabana de madeira da época das reservas. Era coñecida por ser unha muller de mentalidade independente que estaba ben versada nas tradicións tribais e que continuou falando a lingua tradicional mohegan-pequot durante os seus últimos anos.^[2]

1. ↑ Biographical information for Smith, Fidelia Ann Hoscott, 1827–1908. Yale Indian Papers Project, Yale University (2015).
2. ↑ Fidelia Fielding (1827–1908), mohegan.nsn.us. Consultado o 30 de marzo de 2022.